40岁依然靓爆谢安琪挺巨肚孖老友庆生

【星岛日报报道】临盆在即的谢安琪（Kay），预产期为今个月尾，老公张继聪已准备好工作中都要“走佬”陪产，见证B女出世。虽然张继聪讲过老婆步入怀孕期“最后阶段”，唔想太太外出。今日系Kay正日牛一，步入4字头，Kay的老友已为寿星女搞生日饭局，老公张继聪都“放人”，畀老婆出街同老友庆生。

虽然已经40岁，但保养得宜的Kay依然省镜，仲渗出母性的光辉。Kay上载饭局合照，并感激老友常伴左右：“成班女人（Derrick 明显误入）又嘈又盛又陪我吃斋，我真系好爱呢班女人，有一班可以乜野都倾嘅好朋友，真系好幸福，我今年生日真系好开心呀，love you all so much。PS：说说笑笑，我又谂起，曾经有好多次系工作上面遇到困难同埋压力，就系因为有呢一班朋友，同我并肩作战，我先至可以笑着继续向前行。有时同佢哋倾完喊完瞓醒又一条好汉，有时围威喂大吃大喝一餐又生猛返……老土野唔讲咁多喇，就用返我小学毕业纪念册上，出现最多嘅呢两句表达我嘅爱意：万里长城长又长，我们友谊比它长。”另外，张继聪亦在Instagram祝老婆生日快乐：“Happy birthday my Lady313，I love u ”。