最悭女配角 朱晨丽老麦庆功

TVB 50周年台庆颁奖礼曲终人散，今年就有唔少奖被指爆大冷，当中朱晨丽挥低大小姐林淑敏夺得“最佳女配角”，网民替大小姐不值，幸好朱晨丽有绯闻男友何广沛喺IG力撑，又得TVB全力力捧，将在今年TVB开拍的电影《倚天屠龙记》演周芷若；来自苏州的朱晨丽﹐真系如佢所讲咁“创出一片天”。

撰文：东方新地

延伸阅读：

阿娇宣布订婚 经理人Mani送祝福 ：阿娇系一个非常值得人爱嘅女仔！

阿娇锺欣潼深夜晒3卡闪爆钻戒 医界王阳明求婚成功赶狗年生B

在今年的台庆颁奖礼，朱晨丽爆冷挥低大热的林淑敏及陈敏之夺“最佳女配角”奖，即使有奖在手，朱晨丽亦要承认自己未够班平息民愤：“其实我都系投畀Mandy(林淑敏)，大家都系教会弟兄姊妹，宣布我得奖时我都好惊讶！冇谂到自己可以得到呢个奖！一片空白咁，事实上论资排辈,可能仲争少少，我都未到呢个Level，我好欢迎大家同我讲我有咩不足，我都想快啲进步！”

朱晨丽在绯闻男友何广沛手上接过奖项，激动表示：“我唔知讲咩，我冇谂过拎呢个奖。其实我由零开始，好多谢公司俾我选港姐，我连一句广都唔识讲，依家可以参与《超时空男臣》呢个剧，多谢Marco俾机会我。好大压力，因为我未试过演咁野蛮女友角色。我成日问自己，我得唔得呢。之后收到珍姐电话，系佢鼓励我，叫我加油努力，纠正我点样去讲每一个字，排除广东话呢个难关之后，做戏就可以自然啲！”朱晨丽多谢完fans之后，最后佢又话：“如果冇你哋支持，我都唔知点行落去，因为我之前都受过好多打击，希望我哋喺内地成长嘅小朋友，嚟到香港之后依然可以打出一片天，一齐支持我哋！……